दुबई, युएई ,संयुक्त अरब इमिरेट्सको अल-मकतुम अन्तर्राष्ट्रिय विमानस्थलमा भइरहेको दुबई एयर शो 2025 मा भारतको तेजस लडाकु विमान दुर्घटना भएको छ।
दुबईको यो प्रतिष्ठित एयर शोमा भाग लिइरहेका भारतीय वायुसेनाको तेजस विमान बिहीबार दिउँसो २:१० बजे प्रदर्शनका क्रममा जमिनमा खस्दा एक पाइलटको ज्यान गएको पुष्टि गरिएको छ।
भारतीय वायुसेनाले दुर्घटनाको पुष्टि गर्दै पाइलटको निधन भएको जनाएको छ।
घटनाको भिडिओ समाचार संस्था पीटीआईले सार्वजनिक गरेको छ, जहाँ विमान सिधै जमिनतर्फ खसिरहेको देखिन्छ, त्यसपछि एकाएक ठूलो आगो र कालो धुवाँको मुस्लो देखिन्छ।
एयर शोका प्रत्यक्षदर्शीहरूका अनुसार विमान खसेपछि तुरुन्तै आपतकालीन साइरन बज्यो र सुरक्षा निकाय घटनास्थलमा खटिए।
एसोसिएटेड प्रेसका अनुसार, दुर्घटनापछि विमानस्थल वरपर त्रासको वातावरण छाएको थियो।
दुर्घटनाको कारणबारे औपचारिक अनुसन्धान सुरु गरिएको छ। युएई र भारत दुवै देशका अधिकारीहरू घटनाको विस्तृत अध्ययनमा जुटेका छन्।
प्रतिक्रिया
सम्बन्धित खवर
+977 986-4882241
rastradaily@gmail.com